Bhool Bhulaiyaa 3 दिवाळीत release होतोय

दिवाळीत भूलभुलैया ३ ची अजय देवगण च्या सिंघम शी टक्कर Bhool Bhulaiyaa 3

T-Series ने पहिल्यांदा २००७ मधे भूलभुलैया या चित्रपटाची निर्मिती केली होती. प्रियदर्शन दिग्दर्शित व अक्षय कुमार अभिनित या चित्रपटाला प्रेक्षकांकडून भरभरून प्रतिसाद मिळाला होता. तब्बल १५ वर्षांनी T-series ने पुन्हा या चित्रपटाच्या sequel ची निर्मिती २०२२ मधे केली. यावेळी दिग्दर्शक होते अनीस बज्मी व अभिनेता कार्तिक आर्यन. याही चित्रपटाने २०० करोड चा गल्ला जमवला . आता T-Series  पुन्हा एकदा  भूलभुलैया ३ ला प्रदर्शित करित आहेत.‌ Bhool Bhulaiyaa 3 ची Release date आहे 1 November 2024.

Bhool Bhulaiyaa 3 poster : Courtesy Wikipedia 

भूलभुलैया ३: दिवाळीत गल्ला जमविण्यासाठी मोठ्या चित्रपटांची स्पर्धा 

दिवाळी हा काळ भारतात सिनेमासाठी अत्यंत महत्त्वाचा मानला जातो. या सणाच्या वेळी प्रेक्षकांची सिनेमागृहात मोठी गर्दी असते आणि ते या सणासुदीच्या दिवसांत मनोरंजनाची अपेक्षा करतात. त्यामुळे 'भूलभुलैया ३' ला दिवाळीच्या सणात बॉक्स ऑफिसवर मोठे यश मिळण्याची अपेक्षा आहे. साधारणतः हमखास यशाची शक्यता पहाता मनोरंजक असे व्यावसायिक चित्रपट याच सण उत्सव काळात प्रदर्शित करण्याचा निर्मात्यांचा कल असतो. व्यवसायासाठी त्यांच्यासाठी ही योग्य वेळ असते. अशा वेळी दोन‌ मोठे चित्रपट एकाच वेळी रिलीज झाल्यास प्रेक्षक विभाजित होण्याची जोखीम असते पण अशी जोखीम पत्करून ही भूलभुलैया ३ व अजय देवगण चा सिंघम हे मोठे चित्रपट या दिवाळीत रिलीज होणार आहेत.  दिग्दर्शक अनीस बज्मी यांनी 1 November हा त्यांचा वाढदिवस असल्या मुळे भूलभुलैया 3 (Bhool Bhulaiyaa 3)  चा Relese त्यांच्यासाठी वाढदिवसाची भेट असेल असे म्हटले आहे.

 

Bhool Bhulaiyaa 3 Franchisee 

भूलभुलैया-१ (२००७)

भारतीय सिनेसृष्टीत भूतकाळातील क्लासिक चित्रपटांचे सिक्वेल्स बनविण्याची एक मोठी परंपरा आहे, आणि यामध्ये भर पडणार आहे 'भूलभुलैया ३' या आगामी चित्रपटाची. भूलभुलैया हा हॉरर-कॉमेडी प्रकारातील चित्रपट २००७ मध्ये रिलीज झाला होता, ज्यामध्ये अक्षय कुमार आणि विद्या बालन यांच्या दमदार अभिनयाने प्रेक्षकांचे भरपूर मनोरंजन केले होते. या चित्रपटाने केवळ बॉक्स ऑफिसवरच यश मिळवले नाही, तर त्याची कथा, संगीत आणि पात्रेही लोकांच्या मनात कोरली गेली. शिर्षक गीत ' तेरी आंखे भूलभुलैया ' व क्लासिकल अंगाने जाणारे 'मेरे ढोलना' आज ही लोक विसरले नाहीत. विद्या बालन चा दमदार अभिनय हे या चित्रपटाचे बलस्थान होते. 

भूलभुलैया-२ (२०२२)

२०२२ मध्ये रिलीज झालेला 'भूलभुलैया २' हा कार्तिक आर्यनचा चित्रपट होता, जो पहिल्या भागाप्रमाणेच यशस्वी ठरला. या चित्रपटाने नव्या पिढीच्या प्रेक्षकांनाही आकर्षित केले आणि बॉक्स ऑफिसवर मोठे यश मिळवले. आता या यशाच्या धर्तीवर, 'भूलभुलैया ३' ची अधिकृत घोषणा करण्यात आली आहे, आणि हा चित्रपट दिवाळी २०२४ मध्ये रिलीज होणार आहे.

'भूलभुलैया ३' बद्दलची माहिती (Bhool Bhulaiyaa 3)

'भूलभुलैया ३' हा 'भूलभुलैया' फ्रँचायझीतील तिसरा भाग आहे. या चित्रपटाचे दिग्दर्शन Bhool Bhulaiyaa 2 नंतर पुन्हा एकदा अनीस बज्मी करणार आहेत. अनीस बज्मी हे विनोदी आणि रंजक चित्रपट बनविण्यासाठी प्रसिद्ध आहेत. 'भूलभुलैया ३' मध्येही हॉरर आणि कॉमेडी यांचे एक अनोखे मिश्रण प्रेक्षकांना पाहायला मिळणार आहे.

दिग्दर्शक अनीस बज्मी 

अब्दुल हमीद या उर्दू शायरचे पुत्र असलेले अनीस बज्मी मुळचे गुजरातचे . Child Artist म्हणून त्यांनी सिनेमात आपली कारकीर्द सुरू केली.  पूढे सहायक दिग्दर्शक म्हणून काम करू लागले. 1982 साली आलेल्या राज कपूर यांच्या प्रेम रोग चित्रपटासाठी ते राजकपूर यांचे सहायक होते. वडिलांच्या लेखन कलेचा गूण अंगी होताच त्यामुळे दिग्दर्शन सहाय करता करता ते स्क्रिप्ट लेखनाकडे वळले व अखेर 1990  साली त्यांनी लिहिलेला स्वर्ग हा चित्रपट प्रदर्शित झाला. 1995 साली त्यांनी हलचल हा पहिला चित्रपट दिग्दर्शित केला व‌ त्यानंतर No Entery, Welcome ,Bhool Bhulaiyaa 2 असे विनोदी अंगाने जाणारे त्यांचे चित्रपट विशेष गाजले. याच विनोदी मालिकेत आता Bhool Bhulaiyaa 3 हा त्यांचा चित्रपट आता 1 November ला त्यांच्या वाढदिवशी प्रदर्शित होतोय.

 कलाकार

भूलभुलैया १ मधील विद्या बालन चा अभिनय अविस्मरणीय श्रेणीत होता.  मुख्य भूमिकेतील अक्षय कुमारचा सहज व मिश्किल वावर प्रेक्षकांना चित्रपटात गुंतवून ठेवण्यास सहाय्यभूत होता. छोट्या भूमिकेतील राजपाल  जपाल यादवचा विक्षिप्त गावकरी आणि विशेष म्हणजे जेष्ठ व दिवंगत मराठी कलाकार विक्रम गोखले यांनी साकारलेली मनोवैज्ञानिकाची भूमिका कथानकाचा मनोवैज्ञानिक पाया मजबूत करणारी ठरली.

'भूलभुलैया २' मधील मुख्य भूमिका साकारलेला कार्तिक आर्यन 'भूलभुलैया ३' मध्ये देखील प्रमुख भूमिकेत दिसणार आहे. त्याच्या 'रूह बाबा' या पात्राने प्रेक्षकांमध्ये लोकप्रियता मिळवली होती, त्यामुळे त्याची उपस्थिती पुन्हा एकदा आकर्षणाचा केंद्रबिंदू ठरणार आहे. त्याचबरोबर इतर कलाकारांच्या सहभागाबद्दल अजून घोषणा झालेली नाही, परंतु काही चर्चांनुसार काही जुन्या कलाकारांचे पुनरागमन यात होऊ शकते.

कथानकाची उत्सुकता 

जरी चित्रपटाच्या कथानकाबद्दल फारशी माहिती उपलब्ध नसली, तरी असे मानले जात आहे की हा चित्रपट पूर्वीच्या चित्रपटांच्या धर्तीवरच रहस्य, विनोद, आणि थोड्याशा भयानक घटनांचा अनुभव देईल. 'भूलभुलैया' (Bhool Bhulaiyaa 3) चित्रपट-मालिकेत रहस्यमय हवेली आणि त्यातील घडणाऱ्या अघोरी घटनांना विनोदाच्या अंगाने हाताळले जाते. यावेळेसही कार्तिक आर्यनच्या पात्राने या आव्हानांचा सामना कसा केला, हे पाहणे औत्सुक्याचे ठरेल.

भूलभुलैया च्या संगीता वर संगीतकार प्रीतम यांचा कायमस्वरूपी ठसा

'भूलभुलैया' फ्रँचायझीचा 'संगीत' हा एक मोठा आकर्षणाचा भाग राहिला आहे. पहिल्या चित्रपटातील संगीतकार प्रीतम यांनी संगीतबद्ध केलेले 'आमी जे तोमार' हे गाणे आजही लोकांच्या लक्षात आहे. 'भूलभुलैया ३' च्या संगीताकडूनही प्रेक्षकांच्या मोठ्या अपेक्षा आहेत.  संगीतकार प्रीतम यांनी भूलभुलैया २ आणि येणार्या तिसऱ्या भूलभुलैया चे ही संगीत दिले आहे. इतर कलाकार व‌ तंत्रज्ञ बदलत‌ गेले पण भूलभुलैया Bhool Bhulaiyaa 3 च्या तीनही भागात संगीतकार प्रीतम यांचे नाव कायम आहे .

कार्तिक आर्यन ने नुकतेच आपल्या Instagram Account वर भूलभुलैया चे पोस्टर पोस्ट केले आहे. 

निष्कर्ष

'भूलभुलैया ३' Bhool Bhulaiyaa 3 हा दिवाळीच्या सणाला प्रेक्षकांना एक अनोखा आणि मनोरंजक अनुभव देण्यासाठी सज्ज आहे. अनीस बज्मी यांच्या दिग्दर्शनात, कार्तिक आर्यनच्या अभिनयाच्या जोरावर, आणि हास्य, रहस्य, व हवेलीतील भूताचा भयप्रद संचार या अनोख्या मिश्रणाने हा चित्रपट प्रेक्षकांच्या मनात घर करून जाण्याची शक्यता आहे. दिवाळी २०२४ मध्ये  प्रेक्षक नक्कीच भूलभुलैया पहायला सिनेमागृहाकडे धाव घेतील असे वाटते.